Boas!
Este blog só ten unha única utilidade, a de servirlle ó seu autor como instrumento de aprendizaxe, práctica e perfeccionamento da lingua escrita do idioma galego. Polo que a súa finalidade vén determinada pola inquendanza deste o seu creador para adquirir un maior coñecemento e soltura neste campo da lingua. Xurde está iniciativa motivada por dous aspectos: o primeiro, o feito de empregar na linguaxe oral o idioma galego como principal vehículo de comunicación; en segundo termo, por satisfacer unha necesidade persoal, promovida pola última gran reforma da “Normativa Galega sobre ortografía e morfoloxía”, aprobada en xullo do ano 2003 pola Real Academia Galega.
No tocante á temática do blog: queda esta indeterminada. Deste xeito, empregarei categorías e divisións para unha boa organización e mellor xestión das entradas publicadas, pretendendo facilitar a búsqueda destas os posibles visitantes curiosos. Xa que logo non vou definir o eido do blog, as entradas tratarán temas e contidos de moi diversa índole, que abranguerán dende as afeccións, pasando por comentarios sobre diversas noticias de actualidade, ata o entorno familiar e social.
Se alguén quere deixar algún comentario nunha das entradas, sabede que podedes empregar o idioma que vos praza. Cada un é libre de empregar o idioma que guste, non o que lle impoñan por interés ideolóxico, social, profesional, relixioso, político… ou familiar. O único que si debedes de ter en conta é que os contidos serán sometidos á aprobación do creador do blog, así que canto máis construtivos e razoados mellor.
Por certo, que son un neófito nisto da internet, así que espero que uns bos compañeiros que coñecín por este medio me bote de tanto en canto unha man; é pido desculpas adiantadas polo mal uso do idioma nalgún caso concreto, sobre todo o principio, porque o deixalo algún tempo descoidado costa un pouco asimilar algúns trocos introducidos recentemente.
Saúdos!
Etiquetas: Introducción, Preludio, Presentación
